Jild 9 № 3 (2026)
Jild 9 № 3 (2026)
Nashr qilingan:
2026-09-30
Ушбу мақолада буюк мутафаккир Абу Наср Форобийнинг тилшунослик ва фалсафа туташувида яратилган “Китоб ал-ҳуруф” асарининг Теҳрон университети Марказий кутубхонаси Мишкот тўпламида сақланаётган МS 239 рақамли ягона қўлёзма нусхаси тадқиқ этилади. Тадқиқот жараёнида қўлёзманинг кодикологик ва палеографик хусусиятлари, хусусан, қадимий насҳ хатининг ўзига хослиги ҳамда матндаги диакритик белгиларнинг мавжуд эмаслиги билан боғлиқ муаммолар таҳлил қилинган. Шунингдек, 1969 йилда Муҳсин Маҳди томонидан амалга оширилган нашр Мовароуннаҳр илмий ва мадраса таълими анъаналари нуқтаи назаридан танқидий баҳоланади. Мақолада асарнинг шикастланган қисмларини тиклашда Мовароуннаҳр мантиқ мактаби услубларидан фойдаланиш зарурати ҳамда терминологик базани маҳаллий илмий контекстда қайта талқин қилишнинг аҳамияти очиб берилган.

O‘zbekiston Respublikasi Oliy attestatsiya komissiyasining dissertatsiyalar asosiy ilmiy natijalarini chop etish tavsiya etilgan ilmiy nashrlar ro‘yxatida Islom tafakkuri jurnali 2019 yil ro‘yxatdan o‘tkazilgan.

O‘zbekiston xalqaro islomshunoslik akademiyasining «Islom tafakkuri» ilmiy jurnali O‘zbekiston Respublikasi Vazirlar Mahkamasi huzuridagi Oliy attestatsiya komissiyasining tarix, islomshunoslik, falsafa va filologiya yo‘nalishlari bo‘yicha eʼlon qilingan maqolalar inobatga olinuvchi nashrlar ro‘yxatiga kiritilgan.
Aloqalar